حذر الرئيس المصري عبدالفتاح السيسي ، الأحد، المصريين من الخراب وإشاعة الفوضى بالبلاد حال اندلاع مظاهرات ضده أو فوز منافس أخر مكانه، وذلك مع اقتراب سباق الانتخابات الرئاسية

أطلق السيسي عددا من التصريحات المثيرة للجدل خلال مؤتمر «حكاية وطن» في العاصمة الإدارية الجديدة اليوم، حيث أشار لمجاعة دولة الصين ووفاة 25 مليون مواطن من الجوع ضاربا بها المثال في تحولها لدولة عظمى.

وأضاف السيسي خلال كلمته: أنا ممكن أدي شريط ترامادول و1000 جنيه لـ100 ألف إنسان ظروفهم صعبة وأنزلهم 10 أسابيع يعملوا حالة، يمكن أهد بلد بمليار جنيه، يعني بمبلغ ناس بتصرفه في حفلة»

وتابع: «لما أجي أدفع 85 مليار للأسرة اللي هيا مش حاسة إنها عايشه والناس مرميه في الصفيح في الشوارع وفي المقابر، فحد يقولك البلد اللي مش لاقيه تاكل تفرشلهم الشقة كمان؟ طبعا، إذا كنا بنفهم كلنا يعني إيه أمن قومي مش هتستكتروا اللي إحنا بنعمله ده وأكتر منه.. إحنا تعبانين كده ومش معانا نعمل كده؟ أيوه، علشان مايبقاش عندك ثغرة يتم استخدامها في نظم الحرب الحديثة في هدم الدول».

وأورد السيسي:«ماحدش هيهاجمك كتير من بره بشكل مباشر لأن ده تبعاته ضخمة جدا ومكلفة جدا مش بس عسكريا وماليا حتى من منظور القانون الدولي والنظام العالمي الموجود».

رويترز”: 60% من المصريين تحت خط الفقر .. والسيسي ينفق الأموال على البناء والسلاح

واستطرد: «أنا لفيت على دول إفريقية كتير وشوفتها ماشية إزاي، سألتهم بتقدموا دعم إيه، بسألهم عشان اتعلم وأشوف بلدي ظروفها كده ليه، مفيش دولة فيهم بتقدم دعم لمواطنيها، ولا بترول ولا أكل ولا كهربا».

واختتم السيسي: «الإعلام عندنا هاجم قطر عشان الفلوس اللي صرفتهـا لتجهيزات كأس العالم، فقولتلهم بتهاجموها ليه؟ دي ناس بتبني دولة فافهموا قبل ما تهاجموا».

دولة مات فيها 25 مليون إنسان

وقال السيسي في تصريحاته:”في دولة مات فيها 25 مليون إنـســان بالمجاعة وشعبهــا مقامــش يهدهـــا وبنوها وبقت دولة عظمى حاليا، وبقول للمواطن البسيط دخل مصر مش قد مصروفها، ولم يكن عليها ديون حتى عام 1970، لكن الواقع اتغير من بعد كده، والقلة والعوز مش مشكلة لكن المشكلة إنك تقبله ومتكنش مستعد لأجل إنهائه”.

وأضاف السيسي:” سأروي لكم اليوم حكاية مصر من 2011 حتى اليوم، وما هو منظور الدولة وما هي التحديات، وأكرر هذا الكلام كثيرا للتذكرة، ولما أقف قدام ربنا أقوله قولت ليهم وكررت ليهم كتير، البلاد تكبر بالتضحية والعمل، فمصر تشهد إنجازات في القطاع الصحي، ونقوم بسد الفجوات، وما يقدمه السيسى من دعم مادى وللكوادر الطبية لم يشهد له مثيل من قبل، والدولة ترعى الإنسان حتى من قبل ولادته”.

وشار السيسي إلى أن “حالة عدم الاستقرار من 2011 لـ2013 جابت البلد على الأرض ومفيش دولة بتقوم من غير استقرار وأمن، اللي يقولكم غير كده دا جاهل أو أحمق، وبقول للمصريين مش مهم مين ماسكها، المهم عينكم على الاستقرار وبس”.

السيسي خلال مؤتمر «حكاية وطن» قال: “هعرفكم جهل الآخرين،، قعدت أقولهم في 2011 يا جماعة كل يوم بيعدي علينا بلدنا بتروح، نستقر والانتخابات تجيب اللي تجيبه خسرنا 450 مليار دولار في 2011، وبقول للشعب، محدش إدانا الفلوس دي، دا الدولة بتدفع تمنهم من اللحم الحي، وإنت كمواطن عايز تعيش وأنا معاكم، بس لازم نعرف حكاية الوطن وليه هي كده من زمان”.

وأضاف:”الناس قبل 2014 كانت فاكرة إن الدولة الناس تاكل وبس، حتى لو الدولة مفيهاش مقومات الدولة، فلازم حد يضحي عشان الكلام دا ينتهي، مين عنده استعداد|

وأشار السيسي إلى أنه في 2014 “واحد قالي إنك أيقونة وبطل مصر، إيه يدخلك الدولة دي، اوعى تدخل دول هيقطعوك، قولتله لو كان تمن بناء الدولة موتي أنا هعملها، اوعو تفتكروا أنا جاي أقدم نفسي ليكم، هذا لا يليق، دا احنا بننجد دولة صعبة”.